طريقة عمل صينية بطاطس باللحمة

طريقة عمل صينية بطاطس باللحمة 
صينية البطاطس الجميلة اللى كلنا بنحبها ونقدرها وبنقدر طعمها اللذيذ وكلنا بتعملها بالفراخ بالشكل المعتاد اللي اتعودنا عليها وحبينا نغير اكيد ودلوقت هنعملها باللحمة و ورق اللوري الفظيع و تذوقوا الطعم بنفسكم واحكموا انتو علي الطعم والشكل وممكن تتحط علي صينية العزومات أو للرحلات أو تتعمل في السريع وهي سهلة وغير مهدرة الوقت خالص حبيت نكون غيرنا ومعناها باللحمة ….

المكونات..
بطاطس 
طماطم 
توم
بصل
زيت
معلقة سمنة
ملح 
فلفل اسمر
شطة

طريقة التحضير..

نسلق اللحمة في مية وبصل وملح وفلفل اسمر وسنة شطة وورق لوري وحبهان ونسيبها ساعتين تتسلق مع مراعاة اننا نحط مية كل حبة علشان ميتها ماتنشفش وبعد نكون ضربنا الطماطم في الخلاط 

ونجيب صينية البطاطس وتنزل بمعلقة سمنة ومعلقة زيت ونقطع بصلة وندق توم و نشوحها في الزيت والسمنة ونرص البطاطس بعد ما نقطعها حلقات وبعدين ننزل بالطماطم بعد ماضربتها وننزل وفلفل اسمر وملح وشطة ولو حبينا نحط قرن فلفل اوكية نحط زي مانحب 

ونسيبها تاخد غلوتين في النار لحد ما البطاطس تستوي وممكن تزودها شوربة من اللحمة اللي بتتسلق وبعدين هنرص اللحمة فوق البطاطس وننزل في الفرن تاخد وش حوالي ١٠دقايق علي حسب يعني ماتاخد الوش وعلى حسب فرنك وهو دوقي احلي صينية بطاطس في حياتك و هتحبوها جدا جدا 

طريقة الرز للمبتدئين ..

هتروحي شعرية في وعاء ومعلقة سمنة وتفضلي تقلبي لحد ماياخد اللون الذهبي وتغسلين الرز كويس وتنزيل بالرز في الوعاء وتحطي الملح والمية وتظبطها جدا لأحد ما ماياخد غلوتين وبعدين وطي النار عليها وبالهنا والشفاء


دلوقتى ممكن تعملى سلطة أو مخلل أو أي أنواع مخللات وباذنجان مقلي مع دقة علشان يفرق في الأكل جدا ويديك احلى طعم والله ويبقي عملتي اكل لذيذ ومغذي يشبهك انتي وعيلتك وممكن تبقي في رمضان تعمليها على سفرتك وتحضريها وتعملي احلي سفرة واخلي اكل وممكن بتعمل معها اطباق تانية لو في عزومة مثلا زي بسلة أو كوسة مثلا أو لو عملة صواني تانية زي المكرونة البشاميل أو صينية الجلاش تمام هنتكلم في مواضيعنا اللي جاية عن باقي الوصفات للعرايس المبتدئين أو اللي خبرتها في الطبخ قليلة شوية وهنعمل سلطات مع بعض بطرق مختلفة بردو ووجبات سريعة من المنزل 

علشان لو بتشتغلي او رايحين رحلات مثلا وكمان ازاي تزيني سفرتك 

ازاي تنضفي اللحمة والفراخ قبل الطهي والسلام عليكم ورحمة الله وبركاته مع اللقاء في مواضيع قادمة 

midoashraf
كاتب المقالة
كاتب ومحرر اخبار اعمل في موقع aklat4 .

جديد قسم :

إرسال تعليق