ads

طريقة عمل البامية باللحمة على الطريقة المصرية

طريقة عمل البامية باللحمة على الطريقة المصرية

هنتكلم عن اكلة مصرية كلنا بنحبها واكلة صيفية جدا وموسمها صيفي ويخزنها للشتاء عشان اوقات بتهف علينا و بنحب ناكلها في أوقات وكمان للحوامل اللي بيتو حموا اللي بيحبوا ياكلوها في الحمل وكمان مصر تشتهر بزراعة البامية الخضراء الجميلة وهي طريقتها سهلة وطعمها تحفة وهي من احلي واجمل الاكلات والأمثلة دي سهلة هنتكلم عنها للعرايس والمبتدئين واللي لسه بيتعلموا اهو كلنا بنستفيد من بعضينا وياسلام لو قرن فلفل احمر كمان مع البامية بتبقى جامدة وحلوة اوى وبالهنا والشفا على قلوبكم .

مكونات البامية باللحمة الضاني :-

  • بامية
  • قرن فلفل أحمر
  • طماطم
  • صلصة
  • زيت
  • سمنة
  • ملح
  • فلفل اسمر
  • كمون
  • شطة
  • بصل
  • فصين توم

مكونات الارز بالشعرية:-

  • أرز
  • شعرية
  • مية
  • زيت
  • سمنة
  • ملح

طريقة عمل البامية:-

  • اولا هنجيب وعاء عميق نحطه علي النار ونحط زيت وسمنة وبعدين نقشر توم وبصل و نفرمهم وننزل على الزيت والسمنة بيهم لأحد ماياخدوا اللون الأصفر
  • وبعدين نحط اللحمة ونقلب كويس لأحد ماتنزل ظافرتها وبعدين نضرب الطماطم بالخلاط وتنزل علي اللحمة نحط الصلصة والملح والفلفل الاسمر ومرقة الدجاج ونقلب كويس مع مراعاة تزويد المية كل شوية علشان اللحمة مش تنشف
  • وبعدين نكون قمعنا البامية  ونحط قرن الفلفل ونغسلها كويس ونحطها تاخد غلوتين كدة ربع ساعة وبالهنا والشفا
  • طب البامية متحلاش غير بالليمون يعني ابقي حطي ليمون  بعد ماتعرفي الاكل و هتكلي صوابعك وراها وبالهنا والشفا…

طريقة عمل الارز:-

  • هنجيب وعاء عميق ونحطها علي النار
  • وبعدين هنحط سمنة وزيت ولما يبتدئ يقدح نحط الشعرية ونقلب كويس لأحد ماياخد لون ذهبي والملح وبعدين نغسل الرز كويس ونحطها ونقلب
  • وبعدين نحط مية ونظمها لأحد ما تشرب ميتها
  • وبعدين نقلب وبالهنا والشفا .  
طبعا الأكلة دي مصرية اصيلة بنحبها وتنفع في عزومة جدا مع طاجن أو صينية بطاطس بردو وكمان سلطة و مخلل و ياسلام لو باذنجان مخلل انتظرونا في مواضيع كتيرة و هنتكلم عن اشهي و احلي الاكلات  وافضل الدواجن واحسن توابل الاكل و نحن نرد على اي استفسار بخصوص اي اكلة تحبوا تسألوا عليها .


تعبيراتتعبيرات